პირველი რესპუბლიკის კვალდაკვალ

თანამედროვე განათლების აკადემიის მე-11 კლასის მოსწავლეებმა მონაწილეობა მიიღეს საბჭოთა წარსულის კვლევის ლაბორატორიის (სოვლაბის) საგანმანათლებლო ტურში, რომელიც თბილისის ისტორიული ადგილების მონახულებასა და საქართველოს პირველი რესპუბლიკის პერიოდის მნიშვნელოვანი მოვლენების მიმოხილვას მოიცავდა.

მოსწავლეებმა იმ ეპოქის მნიშვნელოვანი ძეგლები და ადგილები დაათვალიერეს, რომელიც პირველი მსოფლიო ომის მოვლენებთან, 1918 წლის დამოუკიდებლობის გამოცხადებასთან და საბჭოთა ოკუპაციის პროცესთანაა დაკავშირებული.

ტურის მიზანი იყო ისტორიის გაცოცხლება რეალურ სივრცეში, კრიტიკული აზროვნების განვითარება და მოქალაქეობრივი ცნობიერების ამაღლება. მოზარდებმა პრაქტიკაში ის თემები განიხილეს, რომელთაც მომავალში საზოგადოებრივი საქმიანობით სწავლასა და მოქალაქეობის გაკვეთილებზე გააგრძელებენ.

მსგავსი ტიპის აქტივობები ხელს უწყობს ისტორიისა და დემოკრატიული ღირებულებების უკეთ გააზრებას, აჩენს ინტერესს საზოგადოებრივი პროცესებისადმი და ამყარებს მოსწავლეებში მოქალაქეობრივ პასუხისმგებლობას.