დაწყებითი I-IV კლასი  |   საზოგადოებრივი მეცნიერებები  |  ქართული ენა და ლიტერატურა  |  უცხოური ენები  |  მათემატიკა, საბუნებისმეტყველო
მეცნიერებები და ტექნოლოგიები  | სპორტი და ესთეტიკური აღზრდა  |   ტუტორები  |  ასისტენტები  |   სკოლამდელი აღზრდა  |  უსაფრთხოების სამსახური

დავით მალაზონია 2019 წლიდან მუშაობს „თანამედროვე განათლების აკადემიის“ დირექტორად. აქვს სკოლაში მუშაობის 25 წლიანი გამოცდილება, არის მენტორი მასწავლებელი და საზოგადოებრივ მეცნიერებათა საგნობრივი ჯგუფის ექსპერტი.

​

ისტორიის მეცნიერებათა დოქტორი, დავით მალაზონია 2006 წლიდან მუშაობს ილიას სახელმწიფო უნივერსიტეტში სრული პროფესორის თანამდებობაზე. მას გამოქვეყნებული აქვს 50-ზე მეტი სამეცნიერო სტატია, რამდენიმე მონოგრაფია, საუნივერსიტეტო და სასკოლო სახელმძღვანელოები.

​

დავით მალაზონია სხვადასხვა წელს ხელმძღვანელობდა შოთა რუსთაველის ეროვნული სამეცნიერო ფონდის მიერ დაფინანსებულ ფუნდამენტურ კვლევით პროექტებს: „დემოკრატიული მოქალაქეობა საქართველოს სკოლებში“, „ინტერკულტურული განათლების განვითარების პერსპექტივები საქართველოში”. მონაწილეობს ევროკავშირის საგრანტო პროექტებში („ღირებულებითი განათლების ხელშეწყობა სამხრეთ კავკასიის უმაღლეს განათლებაში“; „მშვიდობისათვის განათლების ხელშემწყობი კურიკულუმის რეფორმა უკრაინაში, საქართველოსა და მოლდოვაში“; „დემოკრატიული მოქალაქეობის კომპეტენციები საუნივერსიტეტო და სასკოლო კურიკულუმებში“ „კურიკულუმის რეფორმის საერთაშორისო მოდელის განვითარება და კულტურული მრავალფეროვნების ტრენინგი“; „კურიკულუმის რეფორმა დემოკრატიული პრინციპების ხელშეწყობისთვის ისრაელსა და საქართველოში“ და სხვ.)

​

მას მონაწილეობა აქვს მიღებული განათლების პრობლემებისადმი მიძღვნილ არაერთ საერთაშორისო და ადგილობრივ კონფერენციაში. თანამშრომლობს საქართველოს მასწავლებელთა პროფესიული განვითარების ეროვნულ ცენტრთან. 

​

2019-2024 წლებში იყო საქართველოს განათლებისა და მეცნიერების სამინისტროს ზოგადსაგანმანათლებლო დაწესებულებების ავტორიზაციის საბჭოს თავმჯდომარე, 2025 წლიდან - საბჭოს წევრი. არის სასკოლო სახელმძღვანელოების შეფასებისა და გრიფირების საბჭოს წევრი, საქართველოს განათლების მეცნიერებათა აკადემიის ვიცე-პრეზიდენტი.