თანამედროვე განათლების აკადემიის სკოლამდელი აღზრდისა და განათლების პროგრამა ითვალისწინებს სოციალიზაციის კურიკულუმის ძირითად პრინციპებს და დაფუძნებულია რეჯიო ემილიას საგანმანათლებლო ფილოსოფიაზე.
აკადემიის სკოლამდელი აღზრდის პროგრამით სწავლა-სწავლება ინტეგრირებული და ფოკუსირებულია ჰოლისტურ მიდგომაზე.
პროგრამაზე დანერგილი თემატური სწავლების ფარგლებში აქტივობები დაგეგმილია შერჩეული თემის შესაბამისად.
აკადემია სასკოლო საფეხურზე ხელმძღვანელობს ეროვნულ სასწავლო გეგმაზე დაფუძნებული ქართული პროგრამით. პროგრამის მიზანია, ეროვნული სასწავლო გეგმის შედეგების მიღწევის უზრუნველყოფასთან ერთად, განხორციელდეს აკადემიის ხედვით, მისიითა და სტრატეგიული განვითარების გრძელვადიანი გეგმით განსაზღვრული მიზნები და ამოცანები, რომლებიც უკავშირდება მოსწავლეებში დემოკრატიული ღირებულებების განვითარებასა და მათ ჩამოყალიბებას აქტიურ, გლობალურ მოქალაქეებად.
აკადემიაში სავალდებულო და არჩევითი საგნების კომბინაცია იძლევა საშუალებას, მოსწავლემ ისე აირჩიოს საგნები, რომ, ერთი მხრივ, მიიღოს ფუნდამენტური ზოგადი განათლება და, მეორე მხრივ, საკუთარი ინტერესების გათვალისწინებით, ისწავლოს კვლევითი უნარების განვითარებაზე ორიენტირებული საგანი/საგნები.
სკოლამდელი აღზრდისა და განათლების პროგრამა
სკოლამდელი აღზრდისა და განათლების პროგრამა
აკადემიის სკოლამდელი აღზრდისა და განათლების პროგრამა ითვალისწინებს სოციალიზაციის კურიკულუმის ძირითად პრინციპებს და დაფუძნებულია რეჯიო ემილიას საგანმანათლებლო ფილოსოფიაზე. ეს არის კურიკულუმი, რომელიც ბავშვს ხედავს, როგორც საგანმანათლებლო პროცესის წინამძღოლს, როგორც ცნობისმოყვარე პიროვნებას, რომელსაც აქვს ძალა და პოტენციალი, განვითარდეს და ისწავლოს თავისი გარემოდან და სხვებთან ურთიერთობით.
აკადემიის სკოლამდელი აღზრდის პროგრამით სწავლა-სწავლება ინტეგრირებული და ფოკუსირებულია ჰოლისტურ მიდგომაზე. ბავშვი განსაზღვრულ დროსა და სივრცეში კი არ სწავლობს და ივითარებს რომელიმე უნარს, არამედ, ნებისმიერი აქტივობისას სწავლობს და ვითარდება.
პროგრამაზე დანერგილი თემატური სწავლების ფარგლებში აქტივობები დაგეგმილია შერჩეული თემის შესაბამისად.
დაწყებითი საფეხურის ზოგადსაგანმანათლებლო პროგრამა
დაწყებითი საფეხურის ზოგადსაგანმანათლებლო პროგრამა
დაწყებითი საფეხური მიზნად ისახავს მოსწავლეებში ძირითადი აკადემიური და სოციალურ-ემოციური უნარების განვითარებას. სწავლება მიმდინარეობს ეროვნულ სასწავლო გეგმაზე დამყარებული ქართული პროგრამით, განსაკუთრებული ყურადღება ეთმობა მათემატიკას, ინგლისურ ენას, ქართულ ენასა და ლიტერატურას. აღნიშნული საგნები აკადემიის პრიორიტეტია, როგორც საბაზისო საგნები, რომელთა შედეგებზე გასვლა ხელს შეუწყობს მოსწავლეს, მიაღწიოს ზოგადი განათლების ეროვნულ მიზნებს და იყოს წარმატებული ყველა სხვა საგანში.
მოსწავლეები პირველი კლასიდან სწავლობენ ინგლისურ ენას. მეორე უცხოური ენა, როგორც სავალდებულო საგანი, ისწავლება მესამე კლასიდან. მოსწავლეს აქვს უცხოური ენების მრავალფეროვანი არჩევანი - ისინი არჩევანს აკეთებენ ესპანურ, იტალიურ, ფრანგულ, გერმანულ და რუსულ ენებს შორის.
სასწავლო პროცესის ხანგრძლივობა 09:00-18:00 სთ.
საბაზო საფეხურის ზოგადსაგანმანათლებლო პროგრამა
საბაზო საფეხურის ზოგადსაგანმანათლებლო პროგრამა
საბაზო საფეხურზე აკადემია მიზნად ისახავს, მოსწავლემ საგანთა სწავლა-სწავლების საფუძველზე შეძლოს მყარი, დინამიკური და ფუნქციური ცოდნის კონსტრუირება. როგორც ფორმალური, ისე არაფორმალური აქტივობებით მუდმივად ხდება მოსწავლის ინტერესებისა და მიდრეკილებების გამოვლენა და მხარდაჭერა, აქტიური მოქალაქის ფორმირების ხელშეწყობა. გააქტიურებულია კვლევაზე დაფუძნებული სწავლება, რაც მოსწავლეებს დამოუკიდებელი აზროვნებისა და ანალიზის უნარებს უვითარებს.
გარდა ეროვნული სასწავლო გეგმით გათვალისწინებული საგნებისა, აკადემიაში მეშვიდე კლასიდან ისწავლება მესამე უცხოური ენა, როგორც არასავალდებულო საგანი. ხოლო ტექნოლოგიები, როგორც სავალდებულო საგანი. განსაკუთრებული ყურადღება ექცევა კრიტიკული, შემოქმედებითი აზროვნების, კვლევითი და ტრანსფერული უნარების განვითარებას.
სასწავლო პროცესის ხანგრძლივობა 09:00-17:00 სთ.
საშუალო საფეხურის ზოგადსაგანმანათლებლო პროგრამა
საშუალო საფეხურის ზოგადსაგანმანათლებლო პროგრამა
საშუალო საფეხურზე აკადემია მოსწავლეებს სთავაზობს სავალდებულო და ფაკულტატურ საგნებს. აღნიშნული მიდგომა შეესაბამება აკადემიის ფილოსოფიას, რომელშიც ხაზგასმულია სკოლის როლი მოსწავლეების თვითრეალიზებაში, მათში დემოკრატიული ღირებულებებისა და საკუთარ თავზე პასუხისმგებლობის აღების უნარების გამომუშავებაში.
სავალდებულო და არჩევითი საგნების კომბინაცია იძლევა საშუალებას, მოსწავლემ ისე აირჩიოს საგნები, რომ, ერთი მხრივ, მიიღოს ფუნდამენტური ზოგადი განათლება და, მეორე მხრივ, საკუთარი ინტერესების გათვალისწინებით, ისწავლოს კვლევითი უნარების განვითარებაზე ორიენტირებული საგნები.
პროგრამა მოიცავს სტანდარტული საგნების გარდა, სპეციალურ კურსებს, როგორიცაა SAT, TOEFL, აკადემიური წერა, კვლევითი პროექტები მეცნიერებაში და საზოგადოებრივი საქმიანობით სწავლა.
სასწავლო პროცესის ხანგრძლივობა 09:00-15:00 სთ.
ზოგადსაგანმანათლებლო პროგრამის სამივე საფეხურის დაძლევის შემდეგ მოსწავლე იღებს ზოგადსაგანმანათლებლო პროგრამის დაძლევის დამადასტურებელ ატესტატს