​     თანამედროვე განათლების აკადემია 2015 წელს დაარსდა და ახორციელებს ზოგადსაგანმანათლებლო და სკოლამდელი აღზრდის პროგრამებს. აკადემიაში შექმნილია  უსაფრთხო, მამოტივირებელი, თანამედროვე სტანდარტებზე ორიენტირებული სასწავლო-სააღმზრდელო გარემო. ჩვენი პრიორიტეტია მოსწავლის ფიზიკური, ემოციური, კოგნიტიური და სოციალური უნარების განვითარება. 

​

     თანამედროვე განათლების აკადემიის სკოლამდელი აღზრდისა და განათლების პროგრამა ითვალისწინებს სოციალიზაციის კურიკულუმის ძირითად პრინციპებს და დაფუძნებულია რეჯიო ემილიას საგანმანათლებლო ფილოსოფიაზე. აკადემიის სკოლამდელი აღზრდის პროგრამით სწავლა-სწავლება ინტეგრირებული და ფოკუსირებულია ჰოლისტურ მიდგომაზე. 

 

      აკადემია სასკოლო საფეხურზე ხელმძღვანელობს ეროვნულ სასწავლო გეგმაზე დაფუძნებული ქართული პროგრამით. პროგრამის მიზანია, ეროვნული სასწავლო გეგმის შედეგების მიღწევის უზრუნველყოფასთან ერთად, განხორციელდეს აკადემიის ხედვით, მისიითა და სტრატეგიული განვითარების გრძელვადიანი გეგმით განსაზღვრული მიზნები და ამოცანები, რომლებიც უკავშირდება მოსწავლეებში დემოკრატიული ღირებულებების განვითარებასა და მათ ჩამოყალიბებას აქტიურ, გლობალურ მოქალაქეებად. 

​​

     თანამედროვე მეთოდებისა და მიდგომების გამოყენებით, მათ შორის პრობლემებზე დაფუძნებული სწავლებით (PBL) ხდება მოსწავლეთა მომზადება, რაც მრავალფეროვანს ხდის სასწავლო პროცესს.

​

     აკადემიაში სწავლის პერიოდში, დაწყებით საფეხურზე მოსწავლეები ეუფლებიან ორ უცხოურ ენას, ხოლო საბაზო საფეხურზე მესამეს. სისტემატურად ხორციელდება მიზნობრივი ექსკურსიები და ღონისძიებები, ჩვენი მოსწავლეებისათვის შექმნილია თანამედროვე ინფრასტრუქტურა სასწავლო პროცესი უზრუნველყოფილია თანამედროვე ტექნოლოგიების გამოყენებით.

​

    აკადემიაში ფუნქციონირებს შემეცნებით-განმავითარებელი ხასიათის მრავალფეროვანი კლუბები, რომელთა მიზანია მოსწავლის ფიზიკური და გონებრივი განვითარების ხელშეწყობა, შემოქმედებითი, ანალიტიკური, კრიტიკული აზროვნების, სოციალური უნარების განვითარება და წახალისება. კლუბების საქმიანობა ხელს უწყობს 21-ე საუკუნისათვის საჭირო უნარების განვითარებას მოსწავლეებში, მათი ინტერესებისა და შესაძლებლობების გამოვლენასა და რეალიზებას.