ბედნიერების საერთაშორისო დღე საბავშვო ბაღში

თანამედროვე განათლების აკადემიის საბავშვო ბაღის აღსაზრდელებმა ბედნიერების საერთაშორისო დღე სხვადასხვა სახალისო და შემოქმედებითი აქტივობით აღნიშნეს. პატარებმა იმსჯელეს, თუ რას ნიშნავს ბედნიერება მათთვის, გააფერადეს „ღიმილები“ და ერთმანეთს პოზიტიური ინფორმაცია გაუზიარეს.

ბედნიერების საერთაშორისო დღე ყოველწლიურად 20 მარტს აღინიშნება. ის 2012 წელს გაეროს გენერალური ასამბლეის გადაწყვეტილებით დაწესდა და მიზნად ისახავს ბედნიერების მნიშვნელობის წარმოჩენას ადამიანების ცხოვრებაში.