L TV-ს შემოქმედებითმა გუნდმა აკადემიელებს კინო-ფესტივალში მონაწილეობა შესთავაზა
ტელეკომპანია L TV-ს შემოქმედებითი გუნდი თანამედროვე განათლების აკადემიის მოსწავლეებს შეხვდა. ფოტო-ვიდეო გადაღებით, ჟურნალისტიკითა და სცენოგრაფიით დაინტერესებული ახალგაზრდებისთვის კინოოპერატორმა ლაშა ნატრაძემ მასტერკლასი ჩაატარა. სტუმარმა მოსწავლეებს განუმარტა, როგორ იქმნება ფილმის სცენარი და როგორია გადაღებისა თუ მონტაჟის პროცესი.
ასევე, ტელეკომპანია L TV-ის გუნდმა აკადემიელებს ინფორმაცია მიაწოდა კინო-ფესტივალის შესახებ, რომელიც სკოლის მოსწავლეებისთვის იმართება. მათ შესაძლებლობა აქვთ გადაიღონ მოკლემეტრაჟიანი ფილმები ისეთ თემებზე, როგორიცაა მენტალური ჯანმრთელობა და ჯანსაღი ცხოვრების წესი. ფილმის ქრონომეტრაჟი 5-დან 10 წუთამდეა განსაზღვრული. ახალგაზრდებმა თავიანთი ნამუშევრები L TV-ის შემოქმედებით გუნდს 1 მაისამდე უნდა წარუდგინონ.
კინო-ფესტივალი “აღბეჭდე ფიქრი” ახალგაზრდების სამოქალაქო თემატიკითა და კინოინდუსტრიით დაინტერესების მიზნით იმართება. დაჯილდოების ცერემონია 18 მაისს, საგურამოში შედგება, სადაც სამი გამარჯვებული ფილმის ავტორი გამოვლინდება.
კინო-ფესტივალში ჩართვის სურვილი თანამედროვე განათლების აკადემიის მოსწავლეებმა უკვე გამოთქვეს.
______________
#ჩვენვცვლითსამყაროს #wechangetheworld