თანამედროვე განათლების აკადემიაში, IX კლასელების მონაწილეობით საკლასო აქტივობა მოეწყო. მოსწავლეებს ჯორჯ ორუელის „ცხოველების ფერმის“ წაკითხვა და ამავე სახელწოდების ფილმის ნახვა დაევალათ, შემდეგ კი მწერლის სატირული ალეგორია კლასში განიხილეს და მის შინაარსზე დისკუსია გამართეს.
ახალგაზრდებმა „ცხოველების ფერმაში“ განვითარებულ მოვლენებზე იმსჯელეს და მასში არსებული საბჭოთა ტოტალიტარიზმის პარალელები განიხილეს.
დისკუსიას ქართული ენისა და ლიტერატურის მასწავლებელმა ჟულიეტ ჯანჯღავამ უხელმძღვანელა. აქტივობა მისი და ქართული ენისა და ლიტერატურის და საზოგადოებრივი მეცნიერებების კათედრის ხელმძღვანელის ნინო მიმინოშვილის ერთობლივი პროექტის - „შეხვედრა წარსულთან“ ფარგლებში განხორციელდა.
______________