CEA-ს მეშვიდეკლასელებმა თოჯინების თეატრი წარმოადგინეს

თანამედროვე განათლების აკადემიის მეშვიდეკლასელებმა უმცროსი კლასის მოსწავლეები თეატრალურ წარმოდგენაზე მიიწვიეს. ბავშვებმა რეკვიზიტები და პერსონაჟების ფიგურები საკუთარი ხელით დაამზადეს და პირველკლასელებს სხვადასხვა ცნობილი ზღაპრის თეატრალიზებული ვერსიები შესთავაზეს. ავტორებმა სპექტაკლები შესაბამისი მუსიკით გააფორმეს.

თეატრალური წარმოდგენა აკადემიის მუსიკის მასწავლებლის ანა მაისურაძის ორგანიზებით გაიმართა. აქტივობის მთავარი მიზანი სპექტაკლებისთვის სწორი მუსიკის შერჩევა იყო, რასაც მოსწავლეებმა თავი შესანიშნავად გაართვეს.