"ტენე"-ს დამფუძნებელი სტუმრად CEA-ში
- CEA
- Apr 3, 2024
- 1 min read
თანამედროვე განათლების აკადემიას პირველი ქართული USB კაბელის, „ტენე“-ს მწარმოებელი კომპანიის დამფუძნებელი სანდრო ლილუაშვილი ესტუმრა. იგი მე-8 დ კლასის მოსწავლეებს შეხვდა და ეკოლოგიურ უსაფრთხოებასთან დაკავშირებით, მათ გუნდის მიდგომები გააცნო.
"ტენე" პირველი ეკომეგობრული USB კაბელია მსოფლიოში, რომელიც მეორადი პლასტმასას გამოყენებით იქმნება. სანდრო ლილუაშვილმა მოსწავლეებს უამბო, როგორ გაჩნდა მისი შექმნის იდეა და რა გზა გაიარა იმისთვის, რომ ეკომეგობრული USB კაბელი მიეღოთ. მან ახალგაზრდებს ურჩია, რომ ეკოლოგიური კატასტროფების თავიდან აცილების გზების ძიებას დიდი დრო დაუთმონ.
შეხვედრა ნიკო კეცხოველის პროექტის ფარგლებში განხორციელდა, რომელსაც ორგანიზება აკადემიის ინგლისური ენის მასწავლებელმა ანანო შანავამ გაუწია.
______________
コメント