top of page

"სამი მეგობარი" - წიგნის პრეზენტაცია თანამედროვე განათლების აკადემიაში


თანამედროვე განათლების აკადემიის II გ კლასის მოსწავლეებმა, კლასის დამრიგებლის ეკატერინე გურგენიძის ხელმძღვანელობით, წიგნის პრეზენტაცია გამართეს. „სამი მეგობარი“ მათ მიერ მოფიქრებული ზღაპარია, რომლის სიუჟეტსა და ილუსტრაციაზეც თავადვე იზრუნეს.


ავტორებმა ზღაპარი პიესის ფორმატში წარმოადგინეს და წიგნიდან სხვადასხვა როლი მოირგეს, რის შემდეგაც მოწვეულ სტუმრებს მუსიკალური ნომერი შესთავაზეს.


წიგნი ორთვიანი მუშაობის შედეგია, რომლის შექმნის პროცესშიც ყველა მოსწავლე თანაბრად მონაწილეობდა.


„სამი მეგობარი“ თანამედროვე განათლების აკადემიაში დაიბეჭდა. თავდაპირველად, იგი შეზღუდული ტირაჟით, მხოლოდ 20 ეგზემპლარად გამოიცა.

პრეზენტაციის დასასრულს წიგნი ყველა ავტორმა მიიღო. „სამი მეგობარი“ ასევე გადაეცა აკადემიის ბიბლიოთეკასაც.


#ჩვენვცვლითსამყაროს #WeChangeTheWorld

#თანამედროვეგანათლებისაკადემია

#ContemporaryEducationAcademy

#CEA

#კერძოსკოლა #ბაღი #Preschool

bottom of page