როგორ შევამციროთ ნარჩენები სკოლებსა და სახლებში - ამ თემაზე თანამედროვე განათლების აკადემიაში საინფორმაციო შეხვედრა გაიმართა. კავკასიის გარემოსდაცვითი არასამთავრობო ორგანიზაციების ქსელის (CENN) წარმომადგენელი გიორგი კავთელაძე, მე-10 და მე-7 დ კლასის მოსწავლეებს ნარჩენების მართვის პრაქტიკებზე ესაუბრა.
შეხვედრა „ნიკო კეცხოველის სასკოლო პრემიის“ ფარგლებში ჩატარდა, რომელსაც ორგანიზება აკადემიის ინგლისური ენის მასწავლებელმა ანანო შანავამ გაუწია.
თანამედროვე განათლების აკადემიაში გარემოსდაცვით თემებზე ღონისძიების გამართვის მიზანია ახალგაზრდებმა ნარჩენების გადამუშავების მნიშვნელობა გაითავისონ. გარდა ამისა, მიიღონ ინფორმაცია მის სწორად მართვასთან დაკავშირებით მსოფლიოში არსებულ ტენდენციებზე.
______________
Comments