თანამედროვე განათლების აკადემიის მესამე ბ კლასის მოსწავლეებმა ჩრდილების თეატრი წარმოადგინეს. ბავშვები ჯგუფებად გადანაწილდნენ და მოიფიქრეს სცენარი, რომლის მიხედვითაც პერსონაჟების გამოსახულებები დაამზადეს. თითოეულმა ჯგუფმა ღონისძიებაზე თითო სიუჟეტი შემოგვთავაზა.
ჩრდილების თეატრი ქართული ენისა და ლიტერატურის, ბუნებისმეტყველებისა და ხელოვნების საგნის მასწავლებლების ერთობლივი პროექტია. ღონისძიებას ორგანიზება კლასის ხელმძღვანელმა მანანა მაისურაძემ და სახვითი და გამოყენებითი ხელოვნების მასწავლებელმა ნინო იოვაშვილმა გაუწიეს. მუსიკალურ გაფორმებაზე აკადემიის მუსიკის მასწავლებელმა, ანა მაისურაძემ იზრუნა.
______________
Comments