CEA-ში ბოლო ზარი დაირეკა

თანამედროვე განათლების აკადემიაში მეთორმეტეკლასელებისთვის ბოლო ზარი დაირეკა. მათთვის ცხოვრების საინტერესო ეტაპი დაიწყო, ახალი გამოწვევებითა და შესაძლებლობებით სავსე.

საზეიმო ცერემონიაზე, მოსწავლეებსა და მოწვეულ სტუმრებს, სიტყვით აკადემიის დირექტორმა დავით მალაზონიამ, მოსწავლეებმა, მასწავლებლებმა და მშობლებმა მიმართეს.

ღონისძიებაზე მოწვეული იყო სოხუმის სახელმწიფო უნივერსიტეტის რექტორი, პროფესორი ზურაბ ხონელიძე, რომელმაც მოსწავლეებს სკოლის დამთავრება მიულოცა და წარმატებები უსურვა.

ღონისძიების დასასრულს დიპლომების გადაცემის ცერემონია გაიმართა. თანამედროვე განათლების აკადემიისგან, თითოეულმა მოსწავლემ 12 კლასის წარმატებით დამთავრების დამადასტურებელი დიპლომი მიიღო.

თანამედროვე განათლების აკადემიის სახელით, ვულოცავთ ჩვენს მოსწავლეებს სკოლის დასრულებას. გვჯერა, რომ ისინი სამყაროს უკეთესობისკენ შეცვლიან!