თანამედროვე განათლების აკადემიის, 2023-2024 სასწავლო წლის ყველა კურსდამთავრებული უკვე სტუდენტია. მათ შორისაა ანასტასია ჩიქვინიძე, რომელმაც 70%-იანი სახელმწიფო დაფინანსება მოიპოვა. მან არჩევანი BTU - ბიზნესისა და ტექნოლოგიების უნივერსიტეტზე შეაჩერა.
50%-იანი სახელმწიფო გრანტი მიღეს: ლევან ქოქოშვილმა, რომელმაც ასევე BTU - ბიზნესისა და ტექნოლოგიების უნივერსიტეტში ჩააბარა, გიორგი ჯაფარიძემ, რომელიც აგრარული უნივერსიტეტის სტუდენტი გახდა და ნიკოლოზ ჭელიძემ, რომელმაც არჩევანი ივანე ჯავახიშვილის სახელობის თბილისის სახელმწიფო უნივერსიტეტზე გააკეთა.
ვულოცავთ ჩვენს კურსდამთავრებულებს ცხოვრების მნიშვნელოვან ეტაპზე გადასვლას და თითოეულ მათგანს ბედნიერ სტუდენტობას ვუსურვებთ!
______________
Comments