CEA-ს მოსწავლეები სტუმრად პიკასოს სახელოსნოში

თანამედროვე განათლების აკადემიის მოსწავლეები  პიკასოს სახელოსნოს ესტუმრნენ და ერთი დღე ხელოვნებას დაუთმეს. ბავშვებს არტისტმა, მხატვარ-დიზაინერმა და მხატვართა კავშირის წევრმა მაია მესხმა უმასპინძლა.

ვიზიტის ფარგლებში აკადემიელები დეკუპაჟის შერეულ ტექნიკას გაეცნენ და უნიკალური ნამუშევრების შექმნას თავადაც შეეცადნენ. ბავშვებმა წინასწარ დაგრუნტულ ხის მასალებზე სააღდგომო თემატიკის სურათები გადაიტანეს, შემდეგ კი საღებავებით დაამუშავეს.  

აქტივობაში აკადემიის Vა, VIა, I ა და ბ კლასის მოსწავლეები ჩაერთნენ. მის მიზანს ბავშვების შემოქმედებითი განვითარება და საინტერესო, შემეცნებით გარემოში განსხვავებული გაკვეთილის ჩატარება წარმოადგენდა.

სახელოსნოში ვიზიტი აკადემიის ხელოვნების მასწავლებლის, ელენე თევზაძის ინიციატივით განხორციელდა.  პროცესის ორგანიზებაში აქტიურად ჩაერთნენ კლასის დამრიგებლები – ნანა ჯაფიაშვილი, თამარ პეტრიაშვილი, ნინელი ნეფარიძე და ნატო მეფარიშვილი.