CEA-ს აღსაზრდელები თიხის სახელოსნოს ესტუმრნენ

თანამედროვე განათლების აკადემიის საბავშვო ბაღისა და ფრესქულის ჯგუფების — „პეპლების“, „ციცინათელებისა“ და „ფუტკრების“ აღსაზრდელები თიხის სახელოსნო „ბაბალეს“ ესტუმრნენ, სადაც მონაწილეობა შემოქმედებით პრაქტიკულ პროცესში მიიღეს.

პატარებმა  სპეციალისტის დახმარებით თიხაზე იმუშავეს, მოახატეს სააღდგომო ნაკეთობები და მოჭიქვის ეტაპი გაიარეს. მათ ჰქონდათ შესაძლებლობა გამოეყენებინათ ფანტაზია და უნიკალური ნამუშევრები საკუთარი ხელით შეექმნათ.

თიხაზე მუშაობისას ბავშვებმა მოტორული უნარები გაიღრმავეს და მასალის დამუშავების რამდენიმე ტექნიკასაც დაეუფლნენ. გასვლითმა აქტივობამ პატარებს შესაძლებლობა მისცა, პრაქტიკულ საქმიანობაში ახალი გამოცდილება მიეღოთ.