„ჯანმრთელობა და უსაფრთხოება“ – ღია გაკვეთილი III ბ კლასში

თანამედროვე განათლების აკადემიის III ბ კლასში საინტერესო ღია გაკვეთილი ჩატარდა. მოწვეულმა სტუმარმა, პედიატრმა ნინო კაციტაძემ, მოსწავლეებთან ერთად თემა - „ჯანმრთელობა და უსაფრთხოება“ განიხილა.

სასწავლო პროცესში ბავშვებმა საჭირო და სასარგებლო ინფორმაცია მიიღეს, რომელიც ჯანმრთელობის დაცვასა და უსაფრთხოების ძირითად პრინციპებს ეხებოდა. სტუმარმა თავისი პროფესიული გამოცდილებით, გაკვეთილი კიდევ უფრო საინტერესო გახადა. ნინო კაციტაძე ერთ-ერთი მოსწავლის, ალექსანდრე არონიშიძის, ბებიაა.

ღია გაკვეთილი III ბ კლასის დამრიგებლის, ნია ყანჩაველის ინიციატივით გაიმართა. სასწავლო პროცესში, მოსწავლეთა მშობლების ჩართულობის მიზნით, ოჯახის წევრების მოწვევა მომავალშიც იგეგმება.