ღია კარის დღე "ფრესქულის" აღსაზრდელთა მშობლებისთვის

თანამედროვე განათლების აკადემიაში, სკოლამდელი აღზრდის პროგრამის აღსაზრდელთა მშობლებისთვის, „ღია კარის დღე“ გაიმართა. თავდაპირველად მათ აკადემიის დირექტორი დავით მალაზონია მიესალმა და მშობლებისთვის აქტუალური საკითხები განიხილა.

შეხვედრა პროგრამის მენეჯერმა ირინა ქირიამ გაგრძელა, რომელმაც სასწავლო-სააღმზრდელო პროგრამა და აღსაზრდელების დღის განრიგი წარმოადგინა. ასევე, ისაუბრა საბავშვო ბაღში არსებული წრეებისა და კლუბების შესახებ.

მშობლებს გაესაუბრა ფრესქულის აღმზრდელი მაკა გოგოტიშვილიც, რომელმაც მათ ბავშვებთან მუშაობის საკუთარი გამოცდილება და მიდგომები გაუზიარა.

პრეზენტაციის დასრულების შემდეგ, თანამედროვე განათლების აკადემიის სკოლამდელი აღზრდის პროგრამის წარმომადგენლებმა მშობლების კითხვებს უპასუხეს.