"ქალაქი ზღაპარეთი" - I ბ კლასის საახალწლო სპექტაკლი

თანამედროვე განათლების აკადემიაში ცნობილი ზღაპრის გმირები შეიკრიბნენ. პირველი ბ კლასის მოსწავლეებმა ფერიების, პრინცესების, პრინცებისა და სხვა პერსონაჟების როლები მოირგეს და საახალწლო ზღაპარში გვამოგზაურეს.

სპექტაკლი სახელწოდებით „ქალაქი ზღაპარეთი“ ბავშვებმა თემატური სიმღერებითა და ცეკვებით გააფორმეს. მუსიკალურ ნომრებზე აკადემიის მუსიკის მასწავლებელმა ანა მაისურაძემ იმუშავა.

თეატრალური წარმოდგენა კლასის დამრიგებლის, ნატო მეფარიშვილის ინიციატივითა და მშობლების ხელშეწყობით, მოწვეულმა რეჟისორმა მაკა ჭუმბურიძემ მოამზადა. სპექტაკლმა აუდიტორიის დიდი მოწონება დაიმსახურა.