უილიამ შექსპირის საღამო

თანამედროვე განათლების აკადემიაში ინგლისელი დრამატურგისა და პოეტის უილიამ შექსპირის საღამო გაიმართა. მე-11 კლასის მოსწავლეებმა მისი ბიოგრაფია და სონეტები ქართულ და ინგლისურ ენებზე წაიკითხეს. მე-8 დ კლასის მოსწავლემ, გურამ გორგაძემ კი პოეტის ერთ-ერთი სონატა შეასრულა. ღონისძიება შექსპირის კვირეულის ფარგლებში გაიმართა.

 საღამოს აკადემიის მოსწავლეები, მასწავლებლები და ადმინისტრაციის წარმომადგენლები დაესწრნენ. ღონისძიებას ორგანიზება ინგლისური ენის მასწავლებელმა ანანო შანავამ გაუწია.

უილიამ შექსპირი 1564 წლის 23 აპრილს დაიბადა. მისი ყველაზე ცნობილი ტრაგედიებია: „ჰამლეტი“, „ოტელო“, „მეფე ლირი“, „მაკბეტი“ და „ანტონიუსი და კლეოპატრა“. ამ ტრაგედიებში ყველაზე ღრმად აისახა შექსპირის ჰუმანისტური მსოფლმხედველობა, ადამიანის ძალისა და ინტელექტუალური შესაძლებლობისადმი რწმენა.

უილიამ შექსპირი მსოფლიო დრამატურგიის ერთ-ერთ ყველაზე დიდებულ წარმომადგენლად არის მიჩნეული.

______________

#ჩვენვცვლითსამყაროს #wechangetheworld

#თანამედროვეგანათლებისაკადემია

#contemporaryeducationacademy

#CEA

#კერძოსკოლა #ბაღი #preschool