პი რიცხვის დღე თანამედროვე განათლების აკადემიაში

თანამედროვე განათლების აკადემიაში პი რიცხვის დღესთან დაკავშირებით სახალისო მათემატიკური კონკურსი გაიმართა, რომელშიც აკადემიის მეხუთე და მეექვსე კლასის მოსწავლეები მონაწილეობდნენ. კონკურსის ფარგლებში ბავშვები ერთმანეთს სუდოკუსა და ლოგიკურ ამოცანების ამოხსნაში შეეჯიბრნენ.

მე-5 კლასელებს შორის გამარჯვება მოიპოვა გუნდმა, რომლის შემადგენლობაში შედიოდნენ მოსწავლეები: თუთა ბარათაშვილი, ნუცა ჭუმბურიძე, ლიზი ჭრიკიშვილი, მაშო კოროშინაძე.

კონკურსის მეორე ნაწილში მონაწილეობა მეექვსეკლასელებისგან შემდგარმა  ხუთმა გუნდმა მიიღო. ლოგიკურ ამოცანებთან ერთად ბავშვებმა იმსჯელეს და  ძველი და ახალი მათემატიკური ტერმინები ერთმანეთს დაუკავშირეს.

გამარჯვებული გუნდის წევრები არიან: ნიკოლოზ ოხანაშვილი, რატი ჩომახიძე, ანდრია შანშიაშვილი და სანდრო ვაწაძე.

კონკურსი აკადემიის მათემატიკის მასწავლებლის, მირანდა გაბრიჭიძის ინიციატივით ჩატარდა.

აქტივობამ მოსწავლეებში მათემატიკური აზროვნების, ანალიტიკური უნარებისა და გუნდური მუშაობის განვითარებას ხელი მნიშვნელოვნად შეუწყო.