„პატარა უფლისწული“ - V ა კლასის საახალწლო სპექტაკლი

თანამედროვე განათლების აკადემიის V ა კლასის მოსწავლეებმა, მშობლებისა და აკადემიის თანამშრომლებისთვის, ანტუან დე სენტ-ეგზიუპერის უკვდავი ნაწარმოების, „პატარა უფლისწულის“, მიხედვით შექმნილი სპექტაკლი წარმოადგინეს.

„პატარა უფლისწული“ ბავშვებისა და ზრდასრულებისთვის თანაბრად ღრმა და საგულისხმო გზავნილებს შეიცავს. ისტორია უდაბნოში პილოტის ავიაკატასტროფით იწყება. ის ხვდება პატარა უფლისწულს, რომელიც ამბობს, რომ შორეული ასტეროიდიდანაა. იგი სხვადასხვა პლანეტაზე მოგზაურობის შესახებ მოგვითხრობს, სადაც უცნაურ პერსონაჟებს ხვდება. ისტორია დამაფიქრებელი დასასრულით მთავრდება, როცა პატარა უფლისწული თავის პლანეტაზე დაბრუნებას გადაწყვეტს.

მოსწავლეებმა არაჩვეულებრივად შეასრულეს ყველასთვის საყვარელი გმირების როლები და საუკეთესოდ გადმოსცეს ამ ფილოსოფიური ნაწარმოების სიღრმე. წარმოდგენამ აუდიტორიის დიდი მოწონება დაიმსახურა.

სპექტაკლი V ა კლასის ტუტორის თამარ პეტრიაშვილის ინიციატივით, მოწვეულმა რეჟისორმა მაკა ჭუმბურიძემ მოამზადა, მუსიკალურ ნომრებზე აკადემიის მუსიკის მასწავლებელმა ანა მაისურაძემ იმუშავა.