„მომავლის ქალაქი“ – IV ა კლასის ინტეგრირებული პროექტი

თანამედროვე განათლების აკადემიის IV ა კლასის მოსწავლეებმა ინტეგრირებული პროექტი - „მომავლის ქალაქი“ განახორციელეს. პროექტის ფარგლებში, ბავშვებმა ერთი შეხედვით უსარგებლო ნივთებს ახალი სიცოცხლე მიანიჭეს და ქალაქის მაკეტი დაამზადეს. მოსწავლეებმა წარმოსახვისა და შემოქმედებითობის წყალობით მომავლის ტრანსპორტი და შენობები შექმნეს.

პროექტზე მოსწავლეებმა ჯგუფურად იმუშავეს. დასრულებული ნამუშევრები კი პრეზენტაციის სახით, პირველი ა კლასის მოსწავლეებს წარუდგინეს.

აქტივობის ინიციატივა კლასის დამრიგებელს, ლილი გოგოლაძეს ეკუთვნის, რომლის დახმარებითაც ბავშვებმა პროექტი წარმატებით განახორციელეს.