თანამედროვე განათლების აკადემია ფრანგულ პროექტში ჩაერთო

თანამედროვე განათლების აკადემია ფრანგულ პროექტში - "DEUX PAYS,UN JEU:PARTAGER NOS RICHESSES CULTURELLES" მონაწილეობის მისაღებად შეირჩა. პროექტის მიზანი ქართულ და ფრანგულ სკოლებს შორის ურთიერთობის ჩამოყალიბება და სხვადასხვა სახის კორესპონდენციის გაცვლა წარმოადგენს. ორი სკოლა ერთმანეთს წერილებს, ვიდეოებს, თამაშებს, პროექტებს, საკუთარი ფოლკლორის შესახებ ინფორმაციას გაუზიარებს.

მოსწავლეებს გარკვეული თემის ფარგლებში კრეატიული და ორიგინალური პრეზენტაციის, წერილისა და ვიდეოს შექმნა დაევალება. პროექტში რამდენიმე მიმართულება ერთიანდება: ტრადიციები, ფოლკლორი, ცეკვა, გასტრონომია და კულტურა.

პროექტი მიმდინარე წლის 1-ელ ოქტომბერს დაიწყება და 2025 წლის მარტამდე გაგრძელდება. თანამედროვე განათლების აკადემიაში მას ფრანგული ენის მასწავლებელი, ხათუნა მელიქიშვილი უხელმძღვანელებს.