აკადემიელები ილია ჭავჭავაძის ლიტერატურულ-მემორიალურ მუზეუმს ესტუმრნენ

თანამედროვე განათლების აკადემიის მერვე და მეცხრე კლასის მოსწავლეები ილია ჭავჭავაძის ლიტერატურულ-მემორიალურ მუზეუმს ესტუმრნენ. აკადემიელებმა საგამოფენო დარბაზები დაათვალიერეს და მწერლის ცხოვრებასა და მოღვაწეობასთან დაკავშირებულ სხვადასხვა სახის მასალას გაეცნენ.

მოსწავლეებს შესაძლებლობა მიეცათ ენახათ მუზეუმში განთავსებული მემორიალური ნივთები, პირადი არქივები, ილიას მიერ შექმნილი ნაწარმოებების სხვადასხვა გამოცემა, აგრეთვე მისი შემოქმედებისა და ცხოვრება-მოღვაწეობისადმი მიძღვნილი ლიტერატურა: სამეცნიერო შრომები, მონოგრაფიები, სტატიები, ნარკვევები დოკუმენტური და ფოტო მასალა, სახვითი ხელოვნების ნიმუშები და სხვა.

ილია ჭავჭავაძე, მეუღლესთან ერთად, ამ სახლში 1888-1901 წლებში ცხოვრობდა, რომელიც თავისი დის, ელისაბედ ჭავჭავაძე-საგინაშვილის საკუთრებას წარმოადგენდა. ამ შენობას უკავშირდება ილიას საზოგადოებრივ – პოლიტიკური და შემოქმედებითი ცხოვრების აქტიური წლები. ამასთან, აქ იყო მოთავსებული გაზეთ „ივერიის“ რედაქცია და სტამბა. აქ იღებდა სათავეს მთელი რიგი ეროვნულ-სახელმწიფოებრივი და კულტურული წამოწყებები.

ილია ჭავჭავაძის ლიტერატურულ-მემორიალური მუზეუმი თბილისში 1982 წლის 30 დეკემბერს დაარსდა. მის ბაზაზე ახლანდელი მუზეუმი 1987 წლის 27 ოქტომბერს, მწერლის დაბადების 150 წლისთავის აღსანიშნავად გაიხსნა. ______________ #ჩვენვცვლითსამყაროს #wechangetheworld #თანამედროვეგანათლებისაკადემია #contemporaryeducationacademy #cea #კერძოსკოლა #ბაღი #preschool